Өргүөт нэһилиэгэр "Кыһыны атаарыы"
Бэҕэһээ муус устар күн 16 күнүгэр олорор эбэҕэ нэһилиэкпит дьоно тоҕуоруһа мустан Өргүөт нэһилиэгэр "Кыһыны атаарыы" Сандал саастыын көрсүһүү буолан ааста. Күммүт бүгүн күлэн үөрэн бырааһынньыктаан диэбит курдук хата үчүгэй баҕайытык туран биэрдэ.
Улаханныын кыралыын бары ох курдук оҥостон кэлэн сибиэһэй салгыҥҥа оонньоон - көрүлээн куоталаһан күрэхтэстибит.
Дьон бары кэтэспит күрэхтэһиитэ бастакыннан Буран Шоу ыытылынна,манна уопсайа 7 бураан күрэхтэһиигэ күөн көрүстэ. Бастакынан мэһэйдэри бириэмэҕэ куоталаһан илин кэлин түсүһүү буолла.Манна быһыйдара уонна түргэннэрэ үчүгэй бириэмэни көрдөрбүт Женя Павлов. Иккис этааба олорор күөл тула аттар түһэллэрин курдук күөлү тула эккирэтиһэн куоталастылар. Бу түмүгэр үчүгэй тимир көлөлөөх, үчүгэй суоппар, кыайыы көтөллөөх биэтэккэ бастакынан кыайыы кынаттаах тиийэн кэллэ Слава Михайлов.👏🏻👏🏻
Икки этааб түмүгүнэн кыайыылаахтар түмүктэрэ: 👍🏻👏🏻✊🏻
🥇Слава Михайлов
🥈Ким Михайлов
🥉Эрик Павлов
Дьэ ол кэнньэ кыргыттарга уонна эр дьоҥҥо гиирэни ким ыраах быраҕарын күүстэрин уохтарын холонон көрдүлэр. Түмүккэ кыайыылаахтар эр дьоҥҥо:
🥇Женя Палов
🥈Слава Михайлов
🥉Ваня Мачахтыров
Кэрэ аҥардарга
🥇Христина Юрьевна
🥈Мариана Иосифовна
🥉Мария Николаевна
Оҕолорго баҕана ыттыы буолла манна быһыйдара кыахтаахтара Ян Михайлов тахсан бирииһи сүүйэн ылла.👏🏻👏🏻
Канат тардыһыы эр дьоҥҥо буолла. Бытыгырас былчыҥнаах ким баарый диэн үөһээ тэйиэккэлии сылдьар уолаттар, күрэхтэһии түмүгэр Ким Михайлов хамаандата бастаата.👏🏻👏🏻
Сыттыгынан саайсыы оҕолорго уонна кэрэ аҥардарга буолла, дьэ ким тирэхтээҕэ түргэнэ манна көһүннэ.👍🏻👏🏻
Нэһилиэк иһинэн ыытыллар тэрээһиннэргэ өрүү көхтөөх наар бастыҥ сылдьар, биир санааҕа киирэн, ханна баҕар хаһан баҕар инники күөҥҥэ сылдьар Лесной уулусса бастыҥ оформлениялаах түөлбэ аатын ылыан ылла👏🏻👏🏻👍🏻
Ону таһынан араас көрдөөх атракционнар тэрээһин быыһыгар ыытылыннылар . Ким бэйэтигэр эрэллээх, күүстэээх санаалаах, оонньоон күрэхтэһэн холонон көрдүлэр.👏🏻👏🏻
Бу курдук үөрэн -көтөн оонньоон- көрүлээн кыһыммытын атааран сандал саастыын көрсүһэн тарҕастыбыт.👏🏻👍🏻✊🏻