Вера Нанова-Солдатова «Өргүөт кыыһа» кинигэтин презентацията
Норуот хаһаайыстыбатын үтүөлээх үлэһитэ Вера Нанова-Солдатова «Өргүөт кыыһа» кинигэ презентацията. Кыттыыны ыллылар: социологическай наука доктора, ХИФУ профессора Винокурова Ульяна Алексеевна, педагогическай наука хандьыдаата, СӨ үтүөлээх учуутала Винокурова Маргарита Егоровна, Саха сирин суруйааччылар Сойуустарын чилиэнэ, поэтесса Спиридонова Саргылана Семеновна, Ао "Водоканал" генеральнай директора Кырджагасов Анатолий Андреевич, историческай наука хандьыдаата, Санкт Петербург судаарыстыбаннай университет доцена, хотугу пуорум «Доброй воли» посола Харлампьева Надежда Климовна; мелодист Валентина Яковлева-Чэлгийээнэ, СӨ Национальнай библиотека кылаабынай библиотекара Алексеева Сардана Васильевна, РФ үтүөлээх учуутала Ильина Светлана Саввична, Захарова Ирина Ильинична, 8№-дээх Өргүөт нэһилиэгин сэбиэдиссэйэ уо.д.а. Финляндияттан, Санкт-Петербургтан, Москваттан уонна өрөспүүбүүлүкэ 11 улууһуттан тыл эттилэр.
В.Яковлева-Чэлгийээнэ, Дьокуускай:
- 3 чааһы быһа суруйааччы Вера Нанова-Солдатова «Өргүөт кыыһа» диэн саҥа хоһоонунан поэма кинигэтин презентациятыгар олордум. Норуот айымньытын дьиэтин үлэһитэ Любовь Васильева ыыппыта олус үчүгэй. Кыратык тыл эттим, ырыабын ыллаттылар, бириэмэ биллибэккэ ааста, Үөһээ Бүлүүлэри көрөн астыныы, дойдум тыына билиннэ.
О.В. Омукчанова, Санкт-Петербург:
- Поэма наьаа тартарыылаах, долгуйа-үөрэ ааҕан бутэрдим, чахчы да сурэххэр иитийэхтээн илдьэ сылдьыбыт эбиккин уонна төлө биэрэн биир тыынынан суруйбуккун, айымньыҥ хас биирдии тыла бэйэтин миэстэтигэр кэлэн испит. Ис хоһооно учугэй киинэ курдук харахпар кеьуннэ. Күндү чөмчүүк айымньы. Оформлениетын норуот айымньытын Дьиэтэ оҥорбута олус үчүгэй, тупсаҕай;
Ия Степанова, Дьокуускай;
- Хаhан баҕарар сомоҕолуур күүс саамай улахан күүс. Вера,күүһүҥ-күдэҕиҥ уҕараабатын, айа-тута сырыт. Тула өттуҥ сырдык, ыраас, сылаас, сымнаҕас буоллун! Эҕэрдэ, махтал!
Мария Демьянова, Чурапчы:
-Вера кинигэтиҥ ырытыыны кердум билбэтэхпин биллим наһаа учугэй тэрээһини Норуот айымньытын Дьиэтин кытта ыыппытыҥ олус үчүгэй буолла. Вера хоһооннорун аахтылар, ырыа ыллаатылар 70 -тан тахса киһи кытынна. Вера саҥа кинигэҥ сурэхтэммитинэн итии истиҥ эҕэрдэ сүҥкэн үлэ буолбут тумук тылгын наһаа учугэйдик эттиҥ. Уля наьаа учугэйдик ахтыы оҥордо, хоһоон аахта. Финляндияттан, Санкт-Петербургтан бары улуустан эҕэрдэ, ырытыы бөҕө дойдутун дьоно эҕэрдэ бөҕө, истэн олорон киһи сөҕөр киэн туттар. Вера этэҥҥэ сырыт, айар улэҕэр өссө үрдүк ситиһиилэри оҕолор хоһоон бөҕө аахтылар.