Поэтесса Вера Нанова-Солдатова ыалдьытыыр
10.04.2021
Муус устар 10 күнүгэр биһиэхэ, Өргүөт нэһилиэгэр, үөрүүлээх күн буолан ааста. Ол курдук, бэйэтин төрөөбүт дойдутугар Саха Өрөспүүбүлүкэтин Тыатын хаһаайыстыбатын үтүөлээх үлэһитэ, Россия журналистарын союһун чилиэнэ, Халыма, Үөһээ Бүлүү улуустарын бочуоттаах гражданина, поэтесса Вера Спиридоновна Нанова-Солдатова ыалдьыттаата.
Вера Спиридоновна быйыл 70 сааһын туолар юбилейыгар аналлаах литературнай-музыкальнай биэчэргэ, элбэх хоһоон, кини айымньыларыгар суруллубут ырыалар ылланнылар.
Биэчэр бэрт сэргэхтик ааста, элбэх дьон-сэргэ ыалдьыттаата. Өссө төгүл Күндү киһибитигэр дьолу баҕарабыт, саҥаттан саҥаны айа - тута тур диэн алҕыыбыт, ситиһии эрэ арыаллаатын👏👏👏👍👍👍
⠀
Дзидра Прокопьева.