«Сырдыгы тарҕатар, кэрэҕэ угуйар»
Бүгүн Российскай Федерацияҕа культура үлэһитин күнүгэр аналлаах «Сырдыгы тарҕатар, кэрэҕэ угуйар» диэн Үөһээ Бүлүү култууратын үлэһиттэрин чиэстиир үөрүүлээх тэрээһин буолан ааста.
Манна төрүт культураны үйэтитэр, үүнэр көлүөнэни сырдыкка, кэрэҕэ уһуйар, ырыа-тойук аргыстаах, айа-тута, үлэлии сылдьар улууспут бары нэһилиэктэриттэн культура үлэһиттэрэ кыттыыны ыллылар.
Тэрээһин улуус баһылыгын бастакы солбуйааччыта Семен Михалев эҕэрдэтиттэн уонна үрдүкү наҕараадалары туттарыыттан саҕаланна.
"САХА РЕСПУБЛИКАТЫН КУЛЬТУРАТЫН ТУЙГУНА" үрдүк ааты сэргэ Үөһээ Бүлүү улууһугар культура сайдыытыгар сэмэй кылааттарын уонна түбүктээх үлэлэрин сыаналаан туран, Үөһээ Бүлүү улууһа" Муниципальнай Оройуон баһылыгын БОЧУОТУНАЙ ГРАМОТАТЫН уонна МАХТАЛ СУРУГУН туттарда.
Саха Республикатын культуратын уонна искусствотын сайдыытыгар кылааттарын иһин Саха Республикатын культураҕа уонна духуобунай сайдыыга министиэристибэтин 2021 сыл тохсунньу 18 күнүнээҕи 3 нүөмэрдээх бирикээһинэн "САХА РЕСПУБЛИКАТЫН КУЛЬТУРАТЫН ТУЙГУНА" үрдүк аат иҥэрилиннэ:
- ВАРВАРА НИКОЛАЕВНА ЛОМПОРДУРОВАҔА, Далыр нэһилиэгэ МТ "Далырдааҕы культурнай сынньалаҥ киин" уус-уран салайааччытыгар;
Бар дьоҥҥо үөрүүнүү саҕар, кэрэ эйгэтин кэрэхсэтэр, саха норуотун интеллектуальнай өйүн - санаатын сайыннарар, норуот үйэлэргэ муспут култуурунай баайын, сыаннастарын, национальнай тылын-өһүн харыстыыр, тэнитэр, иҥэрэр, үйэлээҕи айар - тутар, өлбөт - сүппэт айылгылыыр, дьон санаатын, талаанын, дьулуһуутун үрдэтэр культура үлэһиттэрин, бары бэтэрээннэрин Үөһээ Бүлүү улууһугар маҥнайгы КУЛЬТУРА тэрилтэтэ тэриллибитэ 100 сылынан, үйэлээх историческай суолталаах, сурукка - бичиккэ тиһиллэр дьоро күнүнэн итиитик - истиҥник эҕэрдэлиибит!
2021 сылга культура уонна духуобунас 100 сылыгар аналлаах тэрээһиннэрэ улууска культура сайдыытыгар туһуланан норуот туһугар үлэлиэхтэрэ, инники кэскили түстүөхтэрэ, биир сыалга сирдиэхтэрэ!