«Дьоруо хоҥор аттаах, дьоллоох - соргулаах Дьорҕостой Бэргэн»

2022 сылга Үөһээ Бүлүү улууһугар Олоҥхо ыһыаҕа ыытылларын көрсө, олоҥхо декадатын чэрчитинэн биир дойдулаахпыт олоҥхоһут Николай Калиныч Шамаев - Чопчухаан «Дьоруо хоҥор аттаах, дьоллоох - соргулаах Дьорҕостой Бэргэн» олоҥхотун Өргүөт нэһилиэгин олохтоохторо ааҕаллар.

Ыспыраапка

Саха сирин олоҕун араас эйгэтин сайдыытыгар улахан оруолламмыт дэгиттэр талааннаах, сахалыы ураты өйдөөх-толкуйдаах киһи -педагогическай наука доктора, профессор, СГУ физкультураҕа уонна спортка институтун спортивнай -педагогическай дьиссипилиинэлэргэ кафедратын сэбиэдиссэйэ, педагогическай үөрэҕирии норуоттар икки ардыларынааҕы академияларын академига, РСФСР үөрэҕириитин туйгуна, республика үтүөлээх тренерэ, 10-тан тахса научнай монография автора, этнопедагог, норуот тылынан уус-уран айымньытын маастара, саха сирин суруйааччыларын Ассоциациятын чилиэнэ - Николай Калинович Шамаев - Чопчухаан

«Олоҥхо улахан иитэр суолталаах. Ити туһунан мин элбэх научнай ыстатыйалары суруйбутум. Олоҥхоһут сирин-дойдутун хайдахтаах курдук таптаан хоһуйарый? Кини чааһы-чааһынан хоһуйарын истэ олорон оҕо «дойдутун олус да кэрэ, намчы сирэбит» диэн өйдүүр. Бу оҕону экологическай өттүнэн иитиигэ олус эффективнай көрүҥ буолар, оҕо дойдутун таптыырга үөрэнэр." 

Н.К. Шамаев